Кундемысе чодыра йӱлымӧ верлаште чодыра тулым йӧртымӧ шотышто тунеммаш эртен

           Кундемысе чодыра йӱлымӧ верлаште чодыра тулым йӧртымӧ шотышто тунеммаш эртен. Медведево районысо йӱлымӧ верлаште тренировкым пӱртӱс поянлык министерстве ямдылен. «Марий чодыра» калыкле паркын специалистше- влакын мутышт почеш, чодыра пожар ик эн лӱдышӧ стихий. Ӱлыч шарлыше тыглай пожар ик минутышто ик метрым кая гын, тале тул шӱдӧ метрым эрта. Рӱдыштыжӧ температура тӱжемат 200 градусыш шуэш. Тыгай годым шӧртньат левен кертеш. Тунеммашлан пу гыч вич орам ямдылыме. Легенде почеш чодыраште ӱлыч кайыше тул пижын, тудын деч ялым арален кодаш, калыкым эвакуироватлаш да икымше полышым пуаш кӱлеш ыле. Команде почеш  группо- влак тиде пашам тӱналыт. Нуно шке задачыштым кӱлеш семын шуктеныт. Ынде кугыжаныш инспектор- влакым неле вахта- чодырам тул да чодыраш шоналтыде коштшо- влак деч аралыме паша вуча. Ушештарена: Марий Элыште 19-ше апрель тул ваштареш шогымо посна режимым пуртымо
            Фото: «Марий чодыра» парк.