Гроссмейстер Карякинын школыштыжо тунемше шахматист-влак ончыл радамыш логалыныт

              Гроссмейстер Карякинын школыштыжо тунемше шахматист-влак ончыл радамыш логалыныт. Кодшо кечылаште Россий МВД системышкыже пурышо Кугыжаныш автоинспекцийым ыштымылан 86 ий темме лӱмеш шахмат дене виш турнир эртен. Мероприятийым республикысе «Динамо» ушем ямдылен. Турнирыш тӱрлӧ шахмат клуб гыч 65 еҥ ушнен. Тиде Йошкар-Оласе, Волжский, Звенигово, Медведево, Шернур, Советский районлан клубышт. Советский районын командыже эн кугу- 13 еҥан лийын. Таҥасыше- влак коклаште Карякинын шахмат школжын тренерже Илья Богатырёв ден тудын тунемшыже Иван Кузнецов лийыныт. Илья писе шахмат дене 8 очком поген да кӱкшӧ пьедесталыш кӱзен. А Иван шым очко дене тӱҥ группышто ший медальым налын.- увертарат Сергей Карякинын шахмат школжын еҥже- влак.
           Фото: «Самырык динамовец» шахмат клуб. МариМедиа.