120 тулык йоча илыме веран лийын

         Марий Элым вуйлатышын пашажым шуктышо  Юрий Зайцев тулык йоча- влаклан пачер деч сравочым кучыктен. Теҥгече 120 тулык да ача-аван полышыжо деч посна кодшо икшыве Йошкар-Ола воктенысе Семёновка селаште у шуко пачеран пӧртыштӧ пачерым налын. Илышыштыда чыла куштылго лийын огыл гынат, ынде шке пачерыштыда пиалан шӱлышым ыштеда. Тек тендан пӧртыштыда эре шокшо да куанле лиеш, - каласен Юрий Зайцев. Йошкар-Олан мэрже Евгений Маслов ешарен: тулык йоча- влаклан илыме вер теният чоҥалташ тӱҥалеш. Ме нигунамат иканаште 120 сравочым пуэн огынал ыле. Тений эше 64 пачер чоҥалтеш. Тиде мемнан олалан пеш шуко. Пиалан- влак коклаште Елена Албахтинат уло. Тудын неле илыш йодышыжым шукерте огыл Юрий Зайцев лончылен ыле. Пӧртым чоҥен шуктымеке тудлан шке сравочым кучыкташ сӧрен. Кум арня гыч сравочымат кучыктен да озаже дене у илыме верым пырля ончен лектыныт. Республикым вуйлатышын сомылжым шуктышо Юрий Зайцев у суртоза- влакым саламлен да палемден: шке пӧрт- тиде илышын кӱлешан йыжыҥже, шкевуя илыме деке кугу ошкыл. Тыгак тудо инвалид- влаклан келыштарыме пачерымат ончен лектын.
             Фото: Марий Элым вуйлатышын организаций да аналитик виктемже.