Армий деч шылым коштшо еҥлан 60 тӱжем теҥге штрафым тӱлыктымӧ

               Йошкар-Ола гыч армий деч шылын коштшо еҥлан 60 тӱжем теҥге штрафым тӱлыктымӧ. Марий Элын Верховный судшо прокуратурын еҥжын шонымашыже дене келшен да апелляционный вуйшиймашым кораҥден. Ондак Йошкар-Олан судшо 20 ияш рвезым призыв деч амал деч посна шылын коштмылан титаканлан шотлен. Рвезым 100  тӱжем теҥгелан штрафоватлыме. Но тудым петырымаште кучымым шотыш налын, штрафым 60 тӱжем теҥге марте иземдыме. Кодшо ийын сентябрьыште рвезе медкомиссийым эрташ Военкоматыш мияш повесткым налын. Палемдыме кечылаште да вараракат  амал деч поснак миен огыл. Судышто тудо титакшым  чынлан шотлен огыл, тазалыклан кӧра миен омыл манын. Но кугыжаныш титаклышын доказательствыже рвезын йоҥылыш улмыжым пеҥгыдемден. Верховный суд приговорым вашталтыде коден, - увертара Марий Элын прокуратурыжо.