Юрий Зайцев республике кӱкшытан Сабантуй пайремыш миен

           Юрий Зайцев республике кӱкшытан Сабантуй пайремыш миен. Татар калыкын йӧратыме пайремжым республикысе калык Руэм посёлко воктене Медведево ипподромыште пайремлен. Кугу унам гармонь сем да чак-чак сий дене вашлийыныт. Пайремым имне дене таҥасымаш почын. Тушто сеҥыше жокей Владимир Михайловлан Республикын кубокшым Юрий Зайцев кучыктен. Вара уна- влак майданыш тарваненыт. Корноыҥгай татар калык илыман икмынян районын кудыжым ончен лектыныт. Вара Республикым вуйлатышын пашажым шуктышо Юрий Зайцев погынышо калыкым пайрем дене саламлен. Татарстанын Президентше Рустам Миннехановын саламлымашыже дене палдареныт. Республикым вуйлатышын сомылжым шуктышылан татар тюбетейкым, имне статуэткым да «Сабантуйын» шарфшым пӧлекленыт.
             Фото: Марий Элым вуйлатышын организаций да аналитик виктемже.