Зелёный уремын Машиностроитель деч Йыван Кырла урем марте ужашыжым олмыкташ тӱналыт

              Йошкар-Олаште Зелёный уремын Машиностроитель деч Йыван Кырла урем марте ужашыжым олмыкташ тӱналыт. Частный секторышто илыше- влакын корным олмыкташ йодмашышт пеш пӱсын шога. Ятыр ий дене окса ситыдымалн кӧра корным магистраль уремлаште гына тӧрлымӧ, а пӧртоза- влакын илыман уремлаште полшымо пашам гына шуктеныт. «Качестван лӱдыкшыдымӧ корно» калыкле проектым шыҥдарымылан да оласе корным норматив марте шуктымылан кӧра второстепенный корно- влакланат тӱткыш ойыралташ тӱналын, частный секторла гычат шуко йодыш пура. Правительство посна пӧрт- влакын верланыме уремламат олмыкташ оксам ойыраш пунчалын. Тыге тений частный секторышто икмыняр урем олмыкталтшаш. Эн ончыч социал-кулешан объектла верланыме корнылан тӱткыш ойыралтеш. Тыге тӱҥалтышыште Ужар уремым олмыкташ палемдыме. Тудын ик меҥге наре кужытшым ачалат. Тушто Самырык- влакын полатышт, шуко пачеран пӧрт да посна пӧрт- влак верланеныт. Тиде урем дене ММЗ поликлиникыш, ММЗ ден ЗПП заводлаште тыршыше тӱжем дене еҥ коштеш.
               Фото: Йошкар-Ола администраций.