Марий балет театр Москошто усталыкшым ончыкта
Марий балет Москосо ик эн тошто театрын сценыштыже усталыкшым ончыкта. Эрик Сапаев лӱмеш опера да балет марий театр Москошто Российысе академический самырык театрын сценыштыже классик балетын марафонжын участникше лиеш. Труппа шым спектакльым ончыкта да «Кеҥежымсе балет тургымышто» икымше гыч 7-ше июль марте кушташ тӱҥалеш. Мемнан артист- влаклан кугу сомылым ӱшаненыт- нуно марафоным почыт. Икымше кечын «Йӱксӧ ер» балетым ончыктат.
