9 ияш Ярослав Яковлевлан полшаш рок-концерт эрта

           Йошкар-Олаште 9 ияш Ярослав Яковлевлан полшаш рок-концерт эрта. Изи марий рвезе неле чер дене кучедалеш. Сеҥымашын 30-шо идалыкше лӱмеш тӱвыра полатыште 17-ше июньын поро кумылым ончыктышо рок-концерт лиеш. Тушечын пурышо чыла оксам Йошкар-Олаште изи рвезым эмлаш колтат. 2019-ше ийыште тудлан «лимфобластный лейкоз» диагнозым шындыме. Тудо шым тылзе химиотерапийыште лийын. Но тений идалык тӱналтышыште чер уэш шарлаш тӱналын, вара адак шкеж нерген шижтарен. Элысе ик эн кугу- Блохин лӱмеш онкологийым шымлыше рӱдерыште полшен кертын огытыл. Российыште эмлыме моло йӧн кодын огыл, - ойла аваже. Рвезылан шансым пуаш Израильысе Шиба медицина рӱдер кӧнен. Ярославым эмлаш налышт манын, депозитыш 100 тӱжем долларым пыштыман. Тидыже 26 миллион наре теҥге окса. Тиде шийвундым погаш рвезын ешыже республикысе калык деке йодмаш дене лектын ыле. Поро кумылан- влак кызытат полшен кертыт. Аваже Людмила Николаевнан телефонжо: 8 917 710 77 07.
              Фотом «Марийская правда» газет гыч налме.