Волжск гоч транзит маршрут- влакым республике кӱкшытан корно радамыш кусараш задачым шындыме

           Марий Элым вуйлатышын сомылжым шуктышо Волжскысо транзит маршрут – влакым муниципал корно гыч республике кӱкшытан корно радамыш кусараш задачым шынден. Тыге нуно республикын балансыштыже лийыт. Тиде теме Волжскын мэрже Рафис Шагвалеев дене вашлиймаште тӱҥ лийын. Волжск Чуваший да Татарстан дене чекыште верланен. Транспортын тӱҥ корныжо ола покшеч эрта. Тыге корно вашке лунчырга. Транспорт ныл урем гоч шым меҥге наре кужытышто чот коштеш. Сандене тиде корным кучымо роскот республикын бюджетышкыже вочшаш манын каласыме. Волжскын мэрже дене тыгак тошто пӧртла гыч калыкым кусарыме нерген мутланыме. Тений августышто кусарышаш еҥ-влаклан шуко пачеран пӧрт ямде лийшаш, эше икте вес ийын чоҥен шукталтшаш. «Спорт- илышын нормыжо» проект кышкарыште Спорт полат пужен ышталтеш. Сентябрьлан тудо ямде лийшаш. Юрий Зайцев тӱвыра да илыме вер ден коммунал сферын объектше- влаклан утларак  тӱткышым ойыраш кӱштен.
             Фото: Марий Элым вуйлатышын организаций да аналитик виктемже.