Марий Машиностроитель заводын граждан продукцийже йот эл гыч кондымо тыгаяк сату- влакым алмашта

            Марий Машиностроитель заводын граждан продукцийже йот эл гыч кондымо тыгаяк сату- влакым алмашта. Касвел эл- влакын санкцийышт республикысе предприятий- влакым вияҥаш таратат да бизнеслан кумдаҥаш у йӧным почыт, - каласен Марий Элым вуйлатышын сомылжым шуктышо Юрий Зайцев Марий Машиностроитель заводыш мийымыже годым. Регионым вуйлатыше заводын кызытсе пашажым, тӱҥ паша корно- влакым, ончыкылык планым генеральный директор Борис Ефремов дене каҥашен. ММЗ эн ончычак оборонный предприятий семын палыме. Но радиотехнический системе, юж гыч аралыме комплексым лукмо дене пырля калыклан кӱлешан сатум ыштыме денат чапланен. Предприятийыште светодиодан да перрон таблом, урем, магистраль да офислан светильникым, медицина, ял озанлык да производствылан техникым, нефть да газ отрасльлан продукцийым ямдыла. Республикым вуйлатышын сомылжым шуктышо палемден: предприятийын куатше кугу. Санкцийлан кӧра ярсыше вер- влакым айлен кертеш. Сатужым республикыште гына огыл, ӧрдыж кундемлашкат колтымо йодышым виктарен колташ кӱлеш, -каласен Юрий Зайцев.
             Фото: Марий Элым вуйлатышын организаций да аналитик виктемже.