Андрей Эшпайын чапкӱжӧ воктенсе кумдыкым тӱзландарыме лиеш

         Юрий Зайцев теҥгече «Российысе театр пашаеҥ- влакын ушемыштын» марий пӧлкажлан 80 ий темме лӱмеш мероприятийыште лиймыже годым каласен: Андрей Эшпайын чапкӱжӧ воктенсе кумдыкым тӱзландарыме лиеш. Тудо ушештарен: Марий Элыште сымыктышын лӱмлӧ еҥже- влакым Андрей Эшпайым, Эрик Сапаевым, Сергей Чавайным да молымат аклат да чапландарат. Палыме композиторлан чапкӱм Палантай лӱмеш тӱвыра да сымыктыш колледж воктене вераҥдыме лиеш. Марий Элыште шочшо Андрей Эшпай опера да балет сымыктышыш аклаш лийдыме надырым пыштен. Тыгай лӱмлӧ еҥлан чапкӱм шочмо кундемжын рӱдӧ олаштыже шындыман. Но тудын воктелсе кумдыкым тӱзландарыме шотышто йодыш улмым пален налмеке, вигак шоналтышым, тудым обязательно ыштыман.- каласен Юрий Зайцев. Тидымат ешарен: театр сымыктышыште республикын сеҥымашыже пеш кугу. Тудым умбакыжат вияҥден, ешарен толман манын да сымыктыш аланыште тыршыше- влаклан тауштен ойлен.
             Фото: Марий Элым вуйлатышын организаций да аналитик виктемже.