Вашке полыш деке йыҥгыртен шукташ ок лий гын, Кугыжаныш полыш сайт полшен кертеш

                   Медицина шотышто вашке полышым ӱжыкташ проблеме улмо нерген Кугыжаныш полыш сайтыште увертараш лиеш. Ковид дене кылдалтше йодыш дене медицина тӧнежлашке йынгыртен шукташ куштылгырак лиеш. Медицина тӧнеж- влаклан нагрузко кугем шогымылан кӧра, Единый Кугыжаныш полыш порталыште опцийым ешарыме. Тудо вашке полышыш але поликлиникыш йыҥгыртыме годым лекше проблеме нерген увертараш йӧным пуа,- умылтара «Коронавирус. Республикын оперштабше» портал. Вуйшиймашым кодашлан «Кугыжаныш полыш» порталыште регистрироватлалташ, ситуацийым кӱчыкын умылтарен, уверын электрон формыжым возаш кӱлеш. Йодышым виктарыме нерген увер личный кабинетышке да электрон почтышко толеш.