Ветеринар службо шала коштшо тӱжемат 300 утла пий ден пырысым кучен
Идалык мучко республикысе ветеринар службын пашаеҥже- влак шала коштшо тӱжемат 300 утла пий ден пырысым кученыт. Нунын кокла гыч 340 нарыжлан у оза- влакым муын пуымо. Тений 234 пырыс ден 973 пийым кучымо. Тушечын тӱжемат 125-шылан маркировкым шындыме, тӱжемат 200 утлажлан орымо чер деч прививкым ыштыме. 531-тыжым вусемдыме, 635-шым мӧҥгеш колтымо. Ветеринар службо шала коштшо животныйым кучымо шотышто уверым умбакыже пога.
