Марий йылме дене Чоткар Патыр нерген комикс- влак лектыныт
Йошкар-Олаште марий йылме дене Чоткар Патыр нерген комикс- влак лектыныт. Ик ият пеле ончыч «Йошкар-Олан геройжо- влак нерген» икымше комикс книга лектын ыле. Ынде тудым марла савыктыме. Проектын авторжо Александр Окольников калыкле фольклорын геройжо- влакым кызытсе жапыш кусарен. Тушто кок сюжет линий ончыкталтеш. Иктыже- ожнысо событий- влак, весыштыже- кызытсе жап. Чоткар Патыр нерген историй проектын икымше ужашыже гына улеш. Ончыкыжым эше 8-10 сӱрет книгам ямдылаш шонат.
