Марий Эл гыч патыр- влак Российын чемпионатыштыже сеҥышыш лектыныт

               Ӱштӧ дене кӧрэш кучедалмаште Российын Чемпионатыштыже Марий Эл гыч спортсмен- влак призовой вер- влакым сеҥен налыныт. Таҥасымаш кодшо кечылаште Озаҥ олаште эртен. Юл кундемысе спорт Академий негызеш эртыше ӱчашымашке элысе 31 кундем гыч 150 утла спортсмен погынен. Марий Эл гыч 130 килограмм марте нелытан- влак коклаште Муса Галлямов икымше верым, 60 килограмм марте да 65 килограмм марте нелытан- влак коклаште Иван Андреев ден Марсель Сулейманов кокымшо верыш лектыныт. Иван ден Марсель тыгак Спорт мастерын норматившым шуктеныт. Тренерышт- Ильдус Гарипов.