Республикысе йоча- влаклан Патырлык урокым эртареныт

                     Республикысе йоча- влаклан Патырлык урокым эртареныт. Граждан авиацийын Тӱнямбал кечынже, Отечествын Геройжо- влакын кечышт вашеш Йошкар-Оласе Ломоносов лӱмеш лицейыште 10-шо классыште тунемше- влак онлайн-формат дене Российын Геройжо, граждан авиацийын лётчикше, отставкысе подполковник  Владимр Шарпатов дене вашлиймаш эртен. Владимир Ильич Звенигово районысо Красногорский посёлкышто шочын, кызыт Тюменьыште ила, 1995-ше ийыште кеҥежым Афганистанысе Кандагар ола воктенысе аэродромыш  Ил-76 самолётшым шындашыже верештын. Вара тушечын тиде самолёт денак йолташыже- влак дене пырля шылын чоҥештен кертыныт. Герой шке илышыже нерген каласкален, пленыште Красногорск нерген возымо почеламутшым лудын да тыгай сугыньым каласен: йӧратыза шке илыме  элнам, республикынам да оланам. Тиде чылажат мемнан-шочмо элна. Да кажнылан пиалан пӱрымашым тыланен, а тудыжым кажне еҥ шке чоҥа.