Пашадыме- влак жап деч ончыч пенсийыш лектын кертыт
Пашадыме- влаклан жап деч ончыч пуымо пенсий нерген. Пенсий ийготыш лишем толшо еҥ- влак паша верым муын огыт керт гын, палемдыме жап деч кок ийлан ондак пенсийыш лектын кертыт. Ончылгоч пуымо пенсийым занятость службын темлымыж почеш гына палемдат. Пенсийым палемдашлан икмыняр юридический факт лийшаш. Мутлан, еҥ пашаверым муын ок керт, занятость службын пеҥгыдемдыме радам дене ыштыме темлымашыже, пашадыме еҥын пенсийым налаш возен пуымо йодмашыже, тудын 25 (пӧръеҥлан) да 20 ий (ӱдырамашлан) стажше, индивидуальный пенсий коэффициентше лийшаш, организацийым пытарымылан, амалкалче пашам чарнымылан, сокращенийлан кӧра пашам йомдарымеке пашадыме статусым налше лийшаш улеш. Тышечын ик условийже ок сите гын, ончылгоч пенсийым палемден огыт керт.