Марий Эллан 100 ий теммылан монументым ыштат
Марий Эллан 100 ий теммылан пӧлеклалтше монументым ышташ эн сай эскиз- проектлан конкурсым увертарыме. Йошкар-Ола администраций республикым ыштымылан 100 ий теммым пайремлымым шарнымашеш кодаш манын, 5-ше гыч 14-ше август марте конкурсым увертарен. Концепцийым але эскиз проектым ойырен налашлан конкурс комиссийым ыштыме. Тушко ола администарцийын, министерстве ден ведомствылан, мер да проект организацийлан еҥышт пуреныт.