У Торъялыште республикыштына икымше модельный книгагудо лийшаш

Республикын тӱвыра министрже Константин Иванов У Торъял книгагудыш миен. Тушто тӧнежым уэмдыме паша дене палыме лийын. Тиде лудмо вер республикыштына икымше модельный книгагудо лийшаш. Кызыт компьютер да офис техникым, сенсор оборудованийым налын кондымо, кугу ужаш книгам налме. Чыла паша палемдыме план почеш шукталтеш, - ӱшандарен ойленыт министрлан. Константин Иванов палемден: книгагудо районысо тӱвыра рӱдер лиеш манын ӱшанем, тыште вер йоча- влакланат, кугыеҥ-шамычланат сита. Лач «Тӱвыра» калыкле проект книгагудо-влалкан калыкым шуарыме рӱдерыш савырнаш полша. Тиде пашам умбакыжат шуяш тӱҥалына, тыгай тӧнеж республикыштына шукырак лийшаш каласен, - министр. Модернизироватлыме книагудо шке омсажым 1-ше октябрьыште почшаш. Тудо кеч-могай кӱлешан площадкыш кӱчык жапыште вашталт, савырнен кертеш.