Коронавирус илышым умбакыже наҥгая
Республикыштына коронавирус дене черланыше- влакын чотышт кушкын шога. Эртыше суткаште мемнан кундемыште 44 еҥын чержым рашемдыме. Чылаже тымарте черланыше- влакын чотышт кок тӱжемат 419 еҥыш шуын. Тушечын кок тӱжемат 123 еҥ эмлалт лектын. Кызыт 277 еҥ черле. Кодшо суткаште эше ик еҥ ӱмыр лугыч лийын да тӱшка чотшо 19 еҥыш шуын. Россий мучко ик суткаште 8 тӱжемат 200 утла еҥ черланен, 143 еҥ черым сеҥен кертын огыл. Ныл тӱжемат 489 еҥым эмлыме вер гыч лукмо, Марий Элыште 23 еҥ лектын.
