Эмлалташ возаш шонышо- влакым осал чер шотышто тергаш тӱҥалыт

Республикысе калыкым план почеш эмлаш пыштыме деч ончыч коронавируслан тергаш тӱҥалыт. Госпитализаций деч ончыч обязательный медицина страхований фондын оксаже кӱшеш тестым эртарымаш обязательный лийын. Тидын нерген ОМС федерал фондын увержылан эҥертен, ТАСС увертарен. Эмлалташ пыштыме деч ончыч терапевт тергышаш, тӱкныде температурым висышаш да вӱрыштӧ кислородын ситымжым шымлышаш. Температурыжо кугурак да кислородшо шагалрак гын, врач пациентым рентгеныш але томографийыш колтен, коронавируслан ешартыш шымлымашым эртараш виктарен кертеш. Чыла тергымаш ОМС-ын оксаже кӱшеш ышталтеш. Сандене план почеш госпитализаций деч ончыч тестым шке кӱшеш ышташ темлат гын, тиде законым пудыртымаш лиеш.