«Школьник- влаклан тӱвыра» проект кышкарыште «Российысе калык- влакын йӱлашт» онлайн-квест тӱҥалеш

              «Школьник- влаклан тӱвыра» проект кышкарыште «Российысе калык- влакын йӱлашт» онлайн-квест тӱҥалеш. Уло эл гыч школышто тунемше- влак Российын тӱвыра министерствыжым ямдылыме онлайн-квест гоч тӱрлӧ калык, нунын йылме ден йӱлашт нерген пален налын кертыт. Акций Российысе калык- влакын тӱвыра поянлыкыштын идалыкшылан пӧлеклалтеш. Тестын йодышыжо- влак ныл йылме ешлан пӧлеклалтыныт да кажныжын поянлыкшым почын ончыктат. Квестым «Фоксфордын» специалистше- влак- историй, лиетартура, руш йылме, тӱнямбал тӱвыра да сымыктыш дене методист- влак ямдыленыт. Чыла участник приз семын «Фоксфорд» школышто кеҥежымсе онлайн- школыш яра ушнен кертыт. А «Школьник- влаклан тӱвыра» проект ӱстембал модышым модын налаш йӧным ышта. Тушко ушнашлан «ВКонтакте» вотышто шке лаштыкыште тестын лектышыже дене палдараш да «вдобрыхтрадициях» хештегым шындыман. Сеҥыше- влакым 3-шо сентябрьыште увертарат.
          Тӱвыра министерствын фотожо.