«Марий Эл» Аренын» кокымшо черетшым чоҥымо нерген мутланымаш кая

           Йошкар-Олаште «Марий Эл» Аренын» кокымшо черетшым чоҥымо нерген мутланымаш кая. Спорт-туризм министерствыште тидын шотышто умылтарымашым пуэныт. Проект почеш чоҥымаш кок йыжыҥан лийшаш ыле. Икымшыжым 2012-шо гыч 2015 ий марте чоҥымо, Спорт оралте- влак виктемлан эксплуатацийыш пуымо. Окса ситыдымылан кӧра кокымшо йыжыҥжым чарен шогалтыме. Тушто иканаште 168 еҥ заниматлен кертеш. 2021-ше ийыште чоҥымо кокымшо йыжыҥлан проект документацийым уэш тарватыме. Ареным ыштен шукташлан тулым йӧртымӧ да шикшым кораҥдыме автомат системым налаш да монтироватлаш, кӧргысӧ отделке паша, электроакустике системым налын вераҥдаш кӱлеш. Кызыт ведомство Российын спорт министерствыже дене объектым мучашлаш федерал бюджет гыч ешартыш оксам ойыраш вашмутланымашым эртара.