Тений чодыраште куд гана тул пижын
Тул пижын кертме лӱдыкшӧ тургым тӱҥалме годсек Республикысе чодыраште куд гана тул пижын. Тушто кум гектар утла чодыра эмганен. Тул Куяр, Кокшайск да Звенигово лесничествылаште пижын. Чылаштыжат амалжылан калыкын тул дене шекланыде пайдаланымыже шотлалтеш. Пӱртӱс поянлык министерстве республикысе калыкым чодыраште да чодыра воктене тул дене пеш тӱткӧ лияш ӱжеш. Правилым пудыртымылан административно гына огыл, уголовно мутым кучаш шогалтен кертыт. Чодыраште тул пижмым ужында гын, вигак «Авиалесоохранын» диспетчер виктемышкыже 56-65-35 номеран телефон дене йыҥгырташ йодыт. Тыгак чодырам оролымо вияш линий пашам ышта- 8 800 100 94 00.
