Йошкар-Ола гыч шуко шочшан еш- влаклан пожар извещательым кучыктеныт

            Йошкар-Ола гыч шуко шочшан еш- влаклан пожар извещательым кучыктеныт. Тиде прибор шикш чот шарлыме годым йӱкым пуа. Ешым лӱдыкшӧ нерген шижтара. Граждан- влаклан тыгак суртышто тул лӱдыкшыдымылыкым эскераш, электроприборым кучылтмо годым тӱткӧ лияш, йоча- влакын тул дене модмыштым ужын шогаш кӱлеш манын ойленыт. Тиддеч посна тул пижме годым мом ышташ кӱлмӧ нерген умылтареныт. Рейдыште МЧС виктемын, Граждан оборона да вучыдымо ситуаций шотышто виктемын, добровольный пожар охранын, калыклан психолоий да педагогик, социал полышым пуышо рӱдерын еҥышт лийыныт.
          Йошкар-Ола администрацийын фотожо.