2022-шо ийыште Йошкар-Оласе пассажир терминалым чоҥаш тӱҥалыт

                   Чыла документым пеҥгыдемдыме: 2022-шо ийыште Йошкар-Оласе  пассажир терминалым чоҥаш тӱҥалыт. Йошкар-Ола аэропортышто пассажир терминалым проектироватлаш да чоҥаш ыштыме документацийым Российын Тӱҥ кугыжаныш экспертизыже ончен лектын да келшыше сай заключенийым ыштен. Чоҥымо паша шушаш ийын чоҥалташ тӱҥалеш. Тудо ик шагатыште 400 пассажирым колтен кертше лийшаш. Проект почеш кӱчык жаплан 117 машинам шогалтыме вокзал воктелсе площадке да кужу жаплан 21 машинам кодаш келшыше вер лийшаш. Кум ий гыч Йошкар-Ола аэропорт талукышто 150 тӱжем утла пассажирым обслуживатлен кертшаш, а 2034-ше ийлан 223 тӱжем утла еҥыш шушаш. Оксам федерал бюджет ойыра. Проект документацийым юж транспортын ЛенАэроПроект» научно-шымлыше да проект институтшо ямдылен.