Курык марий район нерген лекций-влак

          Евсеев лӱмеш калыкле тоштерыште Курык марий район нерген лекцийым колышташ лиеш. Лектор семын этнографий, археологий да экологий дене специалист- влак пашам ыштат. Лекцийым кажне изарнян 17 шагатлан 25-ше ноябрь марте колышташ лиеш. Мутлан, 11-ше ноябрьыште курык марий- влакын 19-ше 20-шо курымлаште ремесло ден промыселышт вияҥме нерген тоштерын кугурак шанче пашаеҥже, историй шанче кандидат Надежда Васканова каласкала. 18-ше ноябрьыште 6-шо -16-шо курымласе археологий материал негызеш марий мландын кушеч тӱҥалмыже нерген тоштер директорын алмаштышыже, историй шанче кандидат Диана Ефремова палдара. 25-ше ноябрьыште «Этно-Квиз» «Ремесло- тӱҥ пукшышо» ончер негызеш уш-акыл модмаш лиеш.
             Фото: МариМедиа.