Марий Эл шӱк куштырам эн шагал луктын кудалтыше регион- влак коклаш пурен

                  Марий Эл шӱк куштырам эн шагал луктын кудалтыше регион- влак коклаш пурен. Кодшо ийын эн шуко шӱкшакым луктын кудалтыше регион- влакым каласыме. Икымше верыште Сахалин область. Тушто ик еҥлан тоннат 200 килограмм куштыра шотлалтеш. Вара Тула область ден Севастополь каят. Нунын показательышт- ик тонн. Эн шагал куштырам Чечняште илыше- влак луктыныт- ик еҥлан шотлымаште 201 килограмм погынен. Вара Марий Эл- 202 килограмм, Чуваший- 239 килограмм. Эксперт- влакын мутышт почеш шӱк-куштыран погынымыжо калыкын чотшо  деч посна, мыняр оксам налме да кучылтмо, пашадымлык дене кылдалтеш. Калык мыняр поянрак, тунар шукырак оксам кучылтеш, кушто занятость кугурак, тушто шӱк-куштырат шукырак погына. Кокла шот дене ончымаште кодшо ийын элысе кажне еҥ 453 килограмм шӱк-куштырам луктын кудалтен, Тидыже 19-ше ий деч кок процентат пелылан шагалрак. Отходын шагалеммыже коронавируслан кӧра пуртымо чарымаш денат кылдалтеш. Калык шагалрак наледаш тӱҥалын.