Марий Кугыжаныш университетын профессоржо Российысе науко академийын экспертше лийын

               Марий Кугыжаныш университетын профессоржо Российысе науко академийын экспертше лийын. МарГУ-н финн-угор да таҥастарыме филологий кафедрыжын профессоржо, филологий науко докторжо Раисия Кудрявцева лӱмеш РАН- Российысе наука акадмий гыч официальный серыш толын. Академик Александр Сергеев профессорым РАН-ын экспертше- влакын уэмдыме корпусышкыжо пуртымо нерген увертарен да лектышан пашам тыланен. Раисия Кудрявцева 250 утла шанче да методик пашан авторжо. Нунын коклаште 6 монографий, марий да руш сылнымут дене школ да вузлан 20 тунемме, тунемме –методик да методик савыктыш улыт. Тудын вуйлатымыже почеш наука кандидат степеньым налаш ныл диссертацийым аралыме. Тудо Российысе высший профессионал образованийын Почётан пашаеҥже, Марий Элысе наукын сулло деятельже улеш.
                МарГУ-н фотожо.