Самолёт- влакын расписанийышт вашталтын

              Йошкар-Ола гыч Моско ден Санкт-Петербургыш чоҥештыше самолёт- влакын расписанийышт вашталтын. У расписаний дене 31-ше октябрь гыч 25-ше март марте чоҥештылаш лиеш. Йошкар-Ола гыч Москошко вӱргечын 19 шагатат 15 минутлан кая, кугарня ден рушарнян 18 шагатат 40 минутлан лектеш. Моско гыч Йошкар-Олаш вӱргечын 17 шагатлан, кугарня ден рушарнян 16 шагатат 25 минутлан толаш лектеш. Йошкар-Ола гыч Санкт-Петербургыш расписанийым 29-ше декабрь марте пеҥгыдемдыме. Вӱргечын 17 шагатат 30 минутышто, рушарнян 13 шагатат 30 минутышто чоҥештат. А Санкт-Петербург гыч Йошкар-Олаш вӱргечын 14 шагатат 50 минутышто, рушарнян 10 шагатат 40 минутышто толаш лектеш.