Марий Элыште кочкыш сату наборым пуэдат
Тӱшка калык фронтын чолга самырыкеҥже-влак Юл сер кундемысе пенсионер-шамычлан кочкыш сату набор-влакым кучыктеныт. Тыгай полышым 65 ий деч кугурак, тидын годым изи пенсийым налше шоҥгыеҥ-влаклан пуат. Волонтер-влак Приволжский поселкышто лийыныт да 35 наборым кучыктеныт. Кажнышкыже тӱрлӧ шӱраш, пурча, макаров, сакыр, шинчал, нӧшмӱй, тушенка ден чай пурат.Тыгай кочкыш сату наборым пуэдымаш «Ме пырля улына» Всероссийский акцийын «Кочкыш сату полыш» проектышкыже пура. Марий Элыште тыгай полышым пуымо дене кылдалтше йодыш-влакым 63-00-39 номеран телефон дене рашемдыман.