Тракторым налаш шонышыжла, окса деч посна кодын
Тракторым налаш шонышыжла, окса деч посна кодын. Кодшо кечылаште ик самырык пӧръеҥ интернет гоч тракторым налаш шонен да ондалалтын. Кӱлеш сатум тудо увертарымашым яра пуымо ик сайтыште муын. Акшат келшыше лийын. Но оксам кусарымеке, ужалыше еҥ шылын. Тыге тракторлан ямдылыме 189 тӱжем теҥге окса йомын. Кызыт тидын шотышто полиций пашам ышта.
