Корным ачалат, у палым шогалтат
Марий Элыште регоинысо трассылаште 1 тӱжем 300 утла корно палым шогалтышаш улыт. Корно лӱдыкшыдымылыкым кугемдаш манын, «Мӧҥго-школ-мӧҥго» маршуртлашке пурышо аварий лӱдыкшӧ лийын кертме верлаште 24 у светофорым шогалтат. Тенийлан тыгак 46 автомобиль корнышто корно разметкым уэмдаш, ДТП чӱчкыдын лийме 35 верым кораҥдаш палемдыме. «Марийскавтодорын» директорже Анатолий Аверинын мутшо почеш, корно лӱдыкшыдымылыкым кугемдыме дене еҥ-влакын тазалыкыштым, илышыштым да погыштым арален кодымаш национальный проектын тӱҥ задачыжлан шотлалтеш.
