Таче Тоштер-влакын тӱнямбал кечышт
Таче Тоштер-влакын тӱнямбал кечышт. Тудо 1977-ше ий гыч палемдалтеш. Ондак поро йӱла почеш пайрем вашеш ятыр мероприятий ямдалалтын гын, тений нуным интернет полшымо дене веле эртарен кертме. Тачысе кечын республикыште 28 тоштер уло. Тышеч 10 тоштерже Йошкар-Олаште. Оҥай да поян тӱвыра памятник-влак районлаште улыт. Тиде, мутлан, Козьмодемьянскысе кава йымалсе тоштер, Юриныште Шереметев замок да молат.
