28 08 2019 Поро эр, Марий Эл [слушать]
У тунемме ий тӱҥалме вашеш таче ме «У тукымым куштена» лӱман у рубрикым почына. Ме студийышкына туныктышо, йоча-влак дене пашам ыштыше специалист-шамычым ӱжаш да нунын дене тачысе самырык тукымым куштымаште лекше тӱрлӧ йодыш-влакым лончылаш тӱҥалына. Тиде гана ме Йошкар-Оласе 7-ше номеран школын психологшо Любовь Каяткина дене первоклассник-влак нерген ойлаш тӱҥалына. Тыгак тачысе передачыштына Оршанке район гыч вольыкым ончышо чолга ялысе ӱдырамаш-влак дене палыме лийыда. А кумшо сюжетна – Марий Элыште «Кино йӱд» пӱтынь Российысе акцийын кузе эртымыж нерген лиеш.