26 08 2019 Поро эр, Марий Эл [слушать]
Евгений Веденькинын чумырымо «Эр» семӱзгар ансамбльже шке жапыштыже моткоч палыме лийын. Артист-влак концертла дене тӱрлӧ районышко коштыныт, Марий телевиденийлан клипым возеныт. Илыш тыге савырнен, ансамбльын участникше-влак кажныже шке корныжо дене каен. Евгений Веденькин шкеже ынде ятыр ий Ямал Ненец автономный округышто ила. Но туштат тудо шке йӧратыме пашажым ышта. Йӱдвел кундемыштат марий тӱвырам аралаш да нӧлташ тырша… Тиде арня кеҥежым мучашла. Тений шукын кеҥежлан, чынрак ойлаш гын, юалге да йӱран игечылан вуйым шийыч. Тыгай игечылан кӧра южо еҥын ышташ палемдыме пашаже шеҥгек шӱкалалтын. А теве канаш гын, ни йӱр, ни шолем мешаен огын керт. Тидын нерген Йошкар-Оласе турист да увер рӱдерын вуйлатышыже Мария Ивановат келша. Рӱдолана уна-влакым вашлияш эре ямде…