21 08 2019 Поро эр, Марий Эл [слушать]
Передачынан икымше ужашыштыже ме Оршанке район нерген ойлаш тӱҥалына. Тудо 95 ияш лӱмгечыжым вашлияш ямдылалтеш. Кугу пайрем 31 августышто лиеш. Тиде идалык Оршанке кундемыште ятыр сай вашталтышлан негызым пуымо дене ойыртемалтше лийшаш. Чылажат калыкын илышыже саемже, куштылемже манын ышталтеш. Тидын нерген мый Оршанке районысо депутат погынын председательже Николай Козлов дене мутым вашталтышым. А У тунемме ийлан кузе ямдылалтме нерген «Поро эр, Марий Эл!» передачын кокымшо ужашыштыже Медведево районысо администрацийын образований пӧлкажын вӱдышӧ специалистше Серафима Шарапова каласкала.