27 11 2018 Поро эр, Марий Эл [слушать]
Тений 30 октябрьыште элнан рӱдолаштыже, Москваште, кызытсе музык дене Тӱнямбал фестиваль эртен. Тушто марий композитор Сергей Маковын возымо «Ачамын йӧратыме мурыжо» лӱман марий цикл йоҥген. Кузе тудо шочын, Москваште фестиваль кушто да кузе эртен, марий калыкын профессиональный муро аршашыжым калык кузе вашлийын? Нине да моло йодышлан таче студийын унаже-влак вашештат. Тиде - Марий Эл искусствын сулло деятельже, Марий Эл Республикысе Кугыжаныш премийын лауреатше, чапланыше семмастар Сергей Маков ден Эрик Сапаев лӱмеш Академический опер да балет театрын солистше Эльвира Курай.