21 11 2018 Поро эр, Марий Эл [слушать]
Шушаш рушарнян ме ик эн поро да йӧратыме пайремым Аван кечыжым палемдаш тӱҥалына. Кеч-кӧланат Ава – эн лишыл да шерге айдеме. Ик шочжыжо але шукырак лиеш гынат, кажныжым тудо шке шӱм-шокшыж дене ырыкта. Черетан «Эр вашлиймаш» передаче шуко шочшан ава Светлана Синюшкина дене палдара. Светлана Геннадьевна ден Алексей пелашыже кум ӱдырым кумда илыш корнышко луктыныт да кызыт эше кок эргым ончен куштат. Кугырак икшывышт деке лишкырык лияш манын, Синюшкинмыт шуко шочшан еш семын Йошкар-Ола воктенсе Шоя-Кузнецово ялыште мландым налыныт да пӧртым чоҥеныт. Мемнан передачына тиде кугу ешын илышыж нерген каласкала.