23 11 2018 Поро эр, Марий Эл [слушать]
21 ноябрьыште калыкнан ик чапланыше ӱдыржӧ, Марий театрын легендыже, талантан артист Нина Конакован шочмыжлан 105 ий темын. Ноябрьыштак эше вес чолга марий артистын – Анастасия Филлипован - шочмо кечыже лийын. Тачысе передачым ме Марий АССР-ын сулло артистше Нина Конакован пӱрымашыжлан пӧлеклена. А тидым ышташ мыланна студийыш толшо уна - Марий Эл тӱвыран сулло пашаеҥже Мария Матукова - полша. Тудо шке жапыштыже марий артист-влакын илыш корныштым шымлен. Нина Конакова нергенат тудо шуко мом ойлен кертеш. Колыштса.