17 05 2023 «Поро эр, Марий Эл» (Идалыкын туныктышыжо 2023)

Кодшо изарнян Йошкар-Ола кундемнан эн уста туныктышыжо-влакым чумырен. 11 майыште туныктымо мастарлыкым ончыктышо республик кӱкшытан конкурс-влак иктешлалтыныт. «Идалыкын туныктышыжо», «Марий йылмым эн сайын туныктышо», «Идалыкын воспитательже» да «Шӱмем йоча-влаклан пуэм» - ты профессионал таҥасымашлашке чылаже 57 туныктышо ден воспитатель ушнен. Эн чолга педагог-влак дене «Поро эр, Марий Эл!» передачыште палдарена.