12 05 2023 «Поро эр, Марий Эл» (М.Сошина)
Медшӱжар-влакын тӱнямбал кечын ме угыч нунын куштылго огыл пашашт нерген ойлена. Нуно кажне кечын калыклан пайдале ойкаҥашым пуат, полышкидым шуялтат. Медшӱжар-влак коклаште лач калыкым йӧратыше, нунын дене кылым муын моштышо, пеҥгыде чонан айдеме гына лийын кертеш. Тачысе передачыштына Йошкар-Оласе 2-шо номеран поликлинике пелен эндокринологий рӱдерыште медшӱжарлан пашам ыштыше Мария Сошина дене палымым ыштена. Медициныште тудо кумшо ий тырша.