04 05 2023 « Поро эр, Марий Эл» (Морко районышто вольыкым ончымаш)
Пытартыш ийлаште яллаште вольыкым шагал ашнаш тӱналыныт манын, шуко ойлалтеш. Ала-кӧжӧ ончынеже гынат, йӧнжӧ уке. Ала-кудыжо ты паша деч пайдам огеш уж. Но улыт эше тугай еш-влакат, кудышт ты сомыл деч торлен огыт керт, тӱкан шолдыра вольыкымат, шорык ден казамат кучат. Тиде передачыште Морко районысо Шале кундемыште сӱрет могайрак, палдарена. Ветеринар ден ветлабораторий вуйлатыше дене мутланена. Тыгак вольык ончымо шотышто йодышым Шернур районысо ял озанлык пӧлкам вуйлатыше деч рашемдена.