Йошкар-Олаште корным олмыктымо паша пайрем годымат, каныш кечылаштат ок чарне

          Йошкар-Олаште корным олмыктымо паша пайрем годымат, каныш кечылаштат ок чарне. Кызыт подрядчик- влак Карл Либкнехт уремыште бордюр кӱ- влакым вераҥдат, тошто асфальтым кораҥдышаш ужаш- влакым  шеледат, канализаций вынем- влакым олмыкташ ямдылат. Бауман уремыштат паша шолеш. Подрядчик тымарте 23-шо номеран школ воктене тротуарым олмыктен. Анциферов уремыште кӱлешан пашашке пижыныт. Тушто асфальтын ӱмбал ужашыжым шарат, у йӧным кучылтыт. Вашский уремыште кызыт тошто бордюр кӱ- влакым рончаш тӱҥалме, вара уым вераҥдат. Йошкар-Ола мэрийын увертарымыже почеш, тений олаште «Качестван лӱдыкшыдымӧ корно» калыкле проект кышкарыште корнын 15 ужашыжым норматив марте шуктышаш улыт.
            Йошкар-Ола администрацийын фотожо.