Тӱнямбал форумышто туризмым вияҥдыме йодышым каҥашыме

            Марий Элым вуйлатышын сомылжым шуктышо Юрий Зайцев туризмым вияҥдыме, регион- влак кокласе у маршрутлам почмо, турист- влаклан келшыше проектлам шыҥдарыме, таҥасен кертше турист продуктым ямдылыме да илышыш пуртымо пашашке виктарыме шотышто кок соглашенийым пеҥгыдемден. Кызытсе жаплан келшыше регион- влак кокласе ик турист маршрутлан «Кугу Юл корно» шотлалтеш. Тудо икмыняр Юл кундемым ушен шога да калык коклаште утыр йодмаш дене пайдалана. Тиде маршрутым вияҥдыме шотышто документым Россий Правительстве председательын алдмаштышыже Дмитрий Чернышенко, туризм шотышто федерал агентствым вуйлатыше Зарина Догузова, Марий Элым вуйлатышын сомылжым шуктышо Юрий Зайцев, Самара, Татарстан, Ульяновск область, Чуваш республикым вуйлатыше- влак пеҥгыдемденыт. Юрий Зайцев тыгак «Туризм.РФ» корпорацийын директоржо Сергей Суханов дене соглашенийым пеҥгыдемден. Тиде документ республикын «Жемчужина Поволжья» проектшым Юрино районышто, Звенигово велыште «Кугезе мланде», Козьмодемьянскыште «Юлышто этнотуризмын рӱдерже» турист проектше- влакым илышыш шыҥдараш йоным ышта. Нине проект деч посна турист- влаклан моло проектат ямдылалтеш да темлалтеш.
             Фото: Марий Элым вуйлатышын организаций да аналитик виктемже.