Йошкар-Олаште цифран технологий институт почылтын

Йошкар-Олаште цифран технологий институт почылтын. Торжественный церемонийыште Республикым вуйлатыше Александр Евстифеев, Российысе наука да кӱшыл шинчымаш шотышто министрын алмаштышыже Сергей Люлин, Марий Эл деч сенатор Константин Косачёв, «Вымпел» оборона корпорацийын генеральный директоржо Сергей Боев, МарГУ-н ректоржо Михаил Швецов лийыныт. У институт опорный вуз ден Москосо физико-технический институтын пырля пашам ыштымышт негызеш шочын. Тудо цифран экономике, инженерий, электроэнергетике, калыкле лӱдыкшыдымылык да искусственный интеллект аланыште кӱкшӧ квалификациян специалист- влакым ямдылаш тӱҥалеш. Россий минстрын алмаштышыже Сергей Люлин палемден: таче мом ужмо мыйым куандарен. Чын корно дене кайымыдат кумылым нӧлта. Кок вӱдышӧ вуз- МаргУ ден Москосо институтын куатле индустриальный кластерышт цифран тӱняште у йыжыҥ лиеш манын ӱшанем,- каласен тудо.