Ужалаш лукмо колым тергыме

Тенийсе икымше пелийыште ужалаш лукмо колын качествыжым да лӱдыкшыдымылыкшым тергыме нерген. Эртыше шым тылзыште Роспотребнадзор виктемын специалистше- влак колым  да теҥыз продуктым ужалыше 112 объектым тергеныт. Тушечын 98-ыже ужалкалыме объект, 14-ше тӱшкан кочмо предприятий. Лу объектыште сату нерген кӱлешан увер ситыдымаш, йыгыре пышташ лийдыме сатум вераҥдымаш, ужалкалыме да аралыме пӧлемым олмыктыдымаш, аралыме жапым эскердымаш рашемын. Тыге, административный правонарушений шотышто 12 пашам тарватыме, 180 тӱжем утла тенгелан штрафым тӱлыкташ ыштыме, кум партий колым ужалаш чарыме. Тергыме годым продукций гыч 39 пробым налме. Нуно чылажат норматив йодмашлан келшен толыныт.