У ий вашеш икмыняр еҥ кугу наградым налын

              Марий Элым вуйлатыше Александр Евстифеев республикысе еҥ- влаклан сулен налме наградым кучыктымо нерген Указеш кидпалыжым пыштен. «Марий Эл ончылно надырлан» орденын медальжым МЧС виктем вуйлатышын алмаштышыже Николай Шатунов ден тӱҥ виктемын МТО виктемжым вуйлатыше Денис Сафинлан пуымо. «Республикын суло машиностроительже» Чап лӱмым «Потенциал» заводын токарьже Сергей Ванюков, «Республикысе пищевой индустрийын сулло пашаеҥже» Чап лӱмым «Мемнан сыра» компанийын аппаратчикше Надежда Орлова, «Респрубликысе ял озанлыкын сулло пашаеҥже» лӱмым «Семёновский» озанлык гыч Владимир Васильев, Рудольф Васильев да Евгения Пуртова налыныт. «Республикысе транспортын сулло пашаеҥже» лӱм дене Волжск гыч водитель Раяс Гильмановлан, «Республикысе тӱвыран сулло пашаеҥже» лӱмым «Марийская правда» газет гыч Марина Ласточкиналан, «Республикын сулло врачше» лӱмым  Шернур гыч врач-хирург Владимир Пуртовлан пуымо. «Республикын сулло утарышыже» лӱмым рӱдӧ отрядын утарышыже Владимир Соловьёв, «Республикын сулло экономистше» лӱмым «Потенциал» заводын тӱҥ бухгалтерже Светлана Петрова налыныт.