«Мый Президент лиям ыле гын» конкурсын дипломантше

                Леонид Андреев Россий кӱкшытан конкурсын дипломантше лийын. Ийготыш шудымо- влаклан Моркысо социал- реабилитаций рӱдерыште шуаралтше Леонид Андреев декабрьыште самырык- влакын  проектыштын «Мый Президент лиям ыле гын» Россий кӱкшытан конкурсышто таҥасен. Тиде конкурс Элнам вияҥдаш шонымашым темлыше да шыҥдараш ямде улшо самырык еҥ- влакым ушен шогышо площадке. «Видеопроект» номинацийыште «Сайлымаш деч ончычсо программем» теме дене Леонид элысе тӱрлӧ кундем гыч 40 иктаҥашыже дене таҥасен. Тудын выступленийже жюрин кумылжым вигак савырен. Тудо марий йылме дене саламлалтмаш дене тӱҥалын. Жюрин еҥже- влак марий республике, калыкын ойыртемже нерген йодыштыныт. Молан манаш гын, Леонидын программыже яллам вияҥдымаш дене кылдалтын. Конкурсын лектышыже почеш кум сеҥышым да ныл дипломантым палемдыме. Дипломант радамыш Леонид Андрееват пурен.
                  Фото: МариМедиа