Таче Йошкар-Олаште «Шарнымаш сорта» акций лиеш
Таче Йошкар-Олаште «Шарнымаш сорта» лиеш. Тӱшка калыкле акций таче 20 шагатат 30 минутлан тӱҥалеш. Тиде мероприятий Шарныме да ойганыме кечылан пӧлеклалтеш. Тыныслык верч шке илышыштым пӧлеклыше- влакым шанралташ Рӱдӧ каныме парк ӱжеш. Акций Палыдыме салтаклан чапкӱ воктене эрта. Оласе сортам кондаш «Йӱд пире» байк-клубын участникше- влак полшат. Нуно чӱктымӧ сортам оласе уремла мучко наҥгаят. Вара ветеран да кадет- влак дене пырля тудым рӱдӧ бульвар дене Воин Чап мемориал деке кондат. Тушто оласе калык шӱдӧ дене сорта гыч «Шарнена» мутым чумырен воза.
